اس میں کوئی شک نہیں کہ ملک صاحب غریبوں کیلیے نرم گوشہ رکھتے ہیں اور انہوں نے سیلاب زدگان کی مدد کیلیے کیا بھی بہت کچھ ہو گا مگر ان کی یہ شرط کہ وہ اپنی دولت کا پچھتر فیصد سیلاب زدگان کیلیے وقف کر دیں گے اگر حکومت ان کے حصے کے برابر انہیں رقم مہیا کرے۔ انہیں معلوم تھا جو حکومت سیلاب زدگان کیلیے ایک کمیشن نہیں بنا سکی وہ اتنی بڑی رقم کیسے ان کے ہاتھ میں دے دے گی۔

انصاف کی نظر سے دیکھا جائے تو وہ اس شرط کے بغیر بھی سیلاب زدگان کیلیے اپنی تجوری کھول سکتے تھے مگر نہیں کیونکہ اس سے انہیں کوئی فائدہ نہیں ہو گا۔ نہ انہیں سیاسی فائدہ ہو گا اور نہ مالی بلکہ اپنی دولت سے بھی ہاتھ دھو بیٹھیں گے۔ انہیں معلوم ہے کہ ہماری حکومت کوئی یورپین حکومت ہے نہیں کہ جہاں کمیونٹی کی طرف سے اکٹھا کیا گیا پیسہ حکومت دگنا کر دیتی ہے۔ آج کل حسب معمول کینیڈین حکومت نے ایسا پروگرام شروع کیا ہوا ہے۔ ونڈسر اونٹاریو کی کمیونٹی اب تک ارھائی لاکھ ڈالر جمع کر چکی ہے اور کینیڈین حکومت ڈالر کے برابر ڈالر اس میں اپنا حصہ ڈال رہی ہے۔ اسی طرح ایک اور فنڈریزنگ ڈنر ہونے جا رہا ہے اور حکومت کی بارہ ستمبر کی ڈیڈ لائن سے پہلے وہ بھی اسی طرح رقم اکٹھی کرنے جا رہے ہیں۔

ملک صاحب ایسی کڑی شرطوں کو چھوڑیے اور اگر واقعی آپ صاحب ثروت ہیں تو پھر اپنی دولت سے بناں کسی شرط کے سیلاب زدگان کی مدد کیجیے۔ خدا آپ کو اجرعظیم دے گا۔

اس موضوع پر ابھی تک بلاگر نعمان کی متوازن تحریر سامنے آئی باقی کسی نے بھی اس تعصب کو کم کرنے کی کوشش نہیں کی۔

پچھلے دنوں ہمارے ایک تعلیم یافتہ قاری سے اسی تعصب پر مکالمہ ہوا جس کی تفصیل ہم یہاں درج کر رہے ہیں۔

قاری:۔

آپ کو پتہ چلا کرکٹ میں کیا ہو گیا؟

ایک بات کہوں برا مت منانا بلکہ ٹھنڈے دل سے غور کرنا کہ پنجابی لوگ [سب نہیں مگر جنیٹیکلی] بہت بدعنوان ہوتے ہیں بلکہ غدرای ان کے خون میں شامل ہے۔

اور پیسوں اور عورت کیلیے کچھ بھی کر جاتے ہیں۔

باہر آپ نے دیکھا ہے پنجابی ہی سکھ ہو یا مسلمان شراب ایسے پیتا ہے جیسے باپ کا مال ہو۔

یہ چیز کیسے ختم ہو گی؟

بلاگر:۔

جناب، حالانکہ میں خود پنجابی ہوں مگر برا نہیں مناؤں گا کیونکہ کوئی سچ کو جھٹلا نہیں سکتا۔ لیکن میری نظر میں صرف پنجابی ہی نہیں بلکہ دوسری ساری قومیں بھی اسی طرح کا انداز رکھتی ہیں۔ پاکستانی ہی نہیں بلکہ ساری مسلم دنیا ہی کرپٹ اور غدار ہے۔ آپ نے دیکھا ہو گا کہ جنرل بشرف نے پاکستانیوں کیساتھ کیسا سلوک کیا اور آپ جانتے ہیں وہ پنجابی نہیں تھا۔ کس طرح پٹھانوں نے پیسوں کی خاطر اپنے ہی لوگ اتحادیوں کے ہاتھ بیچ دیے۔ کس طرح کراچی کے مہاجر، پٹھان اور پنجابی لوگ قتل و غارت میں ملوث ہیں۔ کس طرح بلوچی کوئٹہ میں پنجابیوں کو قتل کر رہے ہیں۔

قاری:۔

جناب، ہم یہ تمام باتیں مانتے ہیں لیکن آپ دوسری قوموں کی مخصوص بری عادتوں کو جھٹلا نہیں سکتے۔ ہم تین باتیں کہیں گے اور اگر آپ چیلنج قبول کرتے ہیں تو خوش آمدید۔

ہم جاننا چاہیں گے۔

پنجابی اور سندھیوں میں سب سے زیادہ غداری کا عنصر پایا جاتا ہے۔

پنجابیوں کو آسانی سے خریدا جا سکتا ہے اور وہ دولت کیلیے کچھ بھی کر سکتے ہیں۔

وہ حقیقت میں شرابی، زانی اور گالی گلوچ بکنے والے لوگ ہیں۔

یہ بھی سچ ہے کہ پنجاب میں بہت سارے اچھے لوگ ہیں اور تھے اور بہت سے پنجابی علما نے دین کی خدمت بھی کی۔ ایک اور بہت بڑا سچ یہ ہے کہ پنجابی اور پٹھان عورتیں سب سے زیادہ دین اسلام سیکھتی ہیں۔ مگر جو برائیاں اوپر ہم نے گنوائیں وہ بھی پنجابیوں میں ہیں۔

ہم پنجابیوں کے خلاف نہیں ہیں بلکہ ان لوگوں سے نفرت کرتے ہیں جو لسانی تعصب رکھتے ہیں۔ ہمیں اردو سپیکنگ لوگوں کے قتل و غارت کرنے پر بھی شرم آتی ہے جو وہ کافروں کیلیے کر رہے ہیں۔ آپ کا کیا خیال ہے ہمیں اس پر شرم نہیں آنی چاہیے۔ اگر ہم اپنی غلطیوں سے آگاہ نہیں ہوں گے تو پھر اپنے آپ کو درست کیسے کریں گے۔

حقیقت میں پاکستان میں سب سے زیادہ قاتل اردو سپیکنگ لوگ ہیں اور اس میں کوئی شک نہیں ہے۔ اس میں کوئی شک نہیں ہے کہ آپ کو حقیقت کا علم نہیں۔ آپ سمیت بہت سارے طالبان کے نام پر پشتونوں کیخلاف پروپیگنڈہ کر رہے ہیں۔ حالانکہ یہ سچ نہیں ہے بلکہ سچ یہ ہے کہ کراچی والے لوگ سب سے بڑے  قاتل ہیں۔

ہماری خواہش ہے کہ ہم سچے مسلمان بن جائیں اور دوسروں کیلیے رحمت بنیں مگر کیسے؟ جواب یہ ہے کہ جب ہم اپنی غلطیاں تسلیم کر لیں گے۔

والسلام

اس کے بعد ہم نے قاری کو مزید اس بحث میں الجھانا مناسب نہیں سمجھا۔ قاری کی گفتگو سے لگتا ہے کہ وہ پٹھان ہیں۔ مگر آپ ساری گفتگو پر غور کریں اور سوچیں ہم لوگ کس طرف جا رہے ہیں۔

کیا ایسا ہو سکتا ہے کہ ہم سب ملکر کر اس تعصب کو ختم کرنے کی کوشش کریں۔ آج کے بعد کسی بھی تحریر اور تبصروں میں تعصب سے گریز کریں۔ کوئی بھی مسئلہ زیر بحث لایا جائے تو اسے تعصب کی عینک سے دیکھے بغیر حل کرنے کی کوشش کریں۔ آئیں آج ملکر عہد کریں کہ ہم تعصب کو ختم کرنے کی جدوجہد کریں گے۔

ابھی اس نفرت کی آگ کو امریکی حکومت اور دوسری مسلمان تنظیمیں ٹھنڈا کرنے کی کوشش کر ہی رہی تھیں کہ ایک چرچ نے نو گیارہ کی سالگرہ پر “قرآن جلاؤ” دن منانے کا اعلان کر دیا۔ اس سے پہلے سب جانتے ہیں فیس بک پر ایک امریکی “ڈرا محمد ڈے” کا اعلان کر کے عیسائی اور اسلام دونوں مذاہب میں چپقلش کا باعث بن چکا ہے۔

یقین نہیں آ رہا ہے کہ یہ سب دنیا کے سپر پاور اور انتہائی ترقی یافتہ ملک میں ہو رہا ہے۔ مانا کہ سب یہاں پر آزاد ہیں مگر مادر پدر آزاد نہیں ہونے چاہییں۔ جہاں معاشرے کو کنٹرول کرنے کیلیے بہت سارے قوانیں موجود ہیں وہاں نفرت کا بیچ بونے والے کیلیے بھی لازمی قانون موجود ہو گا۔ کیونکہ ایسی کاروائیاں ملک میں نسلی اور مذہبی فساد ہی برپا کر سکتی ہیں اور کچھ نہیں۔

اس سے پہلے کہ مسلم ممالک میں اب دوبارہ احتجاج شروع ہو جائے امریکی حکومت کو اس چرچ کیخلاف ایسی ہی کاروائی کرنی چاہیے جیسی نوے کی دہائی میں ڈیوڈ کریش کیخلاف کی تھی۔ اس نفرت کو اگر یہاں پر ختم نہ کیا گیا تو پھر امریکہ میں مسلمانوں کا جینا بہت مشکل ہو جائے گا۔

ایک طرف وہ کہتے ہیں انہوں نے مارشل لا کی بات نہیں کی، کرپٹ سیاستدانوں نے میری تقریر کو غلط رنگ دیا مگر دوسری طرف کہتے ہیں پوری فوج آئے اور ایماندار لوگوں کی حکومت قائم کرے۔ اس کا مطلب ہوا وہ موجودہ حکومت کو کرپٹ سمجھتے ہیں جس کا وہ خود بھی حصہ ہیں۔

ایک طرف وہ کہتے ہیں سپریم کورٹ چیف جسٹس کے اقدامات کو قدر کی نگاہ سے دیکھتی ہے دوسری طرف وہ چیف جسٹس کو معطل کرنے والی حکومت کا حصہ تھے اور ان کی پارٹی نے معطل چیف جسٹس کے کراچی کے دورے کو ناکام بنانے میں اہم کردار ادا کیا۔

انہوں نے کہا صدر زرداری سے ناراضگی پہلے تھی اور نہ اب ہے مگر دوسری طرف وہ اپنے راضی دوست کی حکومت کو کرپٹ کہتے ہیں اور انہیں ہٹانے کیلیے فوج کو دعوت دے رہے ہیں۔ یہ کیسی دوستی ہے؟

ایک طرف انہوں نے کہا وہ ایسا نظام لائیں گے کہ کسی چینل کو بند نہیں کیا جا سکے گا دوسری طرف معطل چیف جسٹس کے دورے کے دوران ان کی ایم کیو ایم نے جیو ٹی وی کا محاصرہ کیا اور اس کی بلڈنگ کو نقصان پہنچایا۔

وہ کہتے ہیں برطانوی پاسپورٹ ان کی مجبوری تھی مگر وہ یہ توجانتے ہوں گے کہ برطانوی پاسپورٹ کے بغیر بھی وہ جتنا عرصہ چاہتے برطانیہ میں رہ سکتے تھے۔

وہ کہتے ہیں میرے پاس دولت، فوج، جاگیر یا اسٹیبلشمنٹ نہیں ہے مگر عوام اتنے بیوقوف نہیں ہیں کہ وہ سمجھ نہ سکیں کہ ان کے پاس کیا ہے۔ جب امریکی سفارتکار ان سے ملتا ہے اور وہ برطانوی شہری ہیں تو سب جانتے ہیں کہ ان کے پاس کیا ہے۔

انہوں نے کہا اگر حکومت انہیں مل گئی تو کرپٹ لوگوں کو الٹا لٹکا دیں گے مگر دوسری طرف ان میں اتنی جرات نہیں ہے کہ وہ کرپٹ لوگوں کی حکومت سے علیحدگی اختیار کر سکیں۔

سوچنے والی یہ بات ہے کہ جب وہ بار بار کرپٹ لوگوں کی بات کرتے ہیں تو وہ یہ نہیں بتاتے کہ ان کا اشارہ حکومت میں شامل کن کرپٹ سیاستدانوں کی طرف ہے؟

ایک طرف وہ کہتے ہیں کہ اگر مارشل لا آتا بھی ہے تو وہ اس کی حمایت نہیں کریں گے دوسری طرف وہ جنرل بشرف جیسے فوجی ڈکٹیٹر کی حکومت میں شامل  رہے۔ ان کی موقع پرستی کی انتہا دیکھیے جونہی بشرف کا بستر گول ہونا شروع ہوا انہوں چوہدریوں جیسے کرپٹ سیاستدانوں کی طرح پلٹا کھایا اور پی پی پی کی حکومت میں شامل ہو گئے۔ یہ وہی سیاسی پارٹی ہے جس کی لیڈرشپ کو ان کے محسن جنرل بشرف نے ملک بدر اور جیل بند کیے رکھا۔

اچھا بھلا انٹرویو جا رہا تھا کہ آخر میں الطاف حسین نے راگ الاپنا شروع کر دیا اور اختتام کو عجیب رنگ دے دیا۔

چپکے چپکے رات کو تیرا باہر آنا یاد ہے

ہم کو اب تک تیرا برقعے میں آنا یاد ہے

لگتا ہے یہ اشارہ مولانا عبدالعزیز کی طرف ہے اور اس اشارے میں مسلمان علما پر تنقید کرنے کی کوشش کی گئی ہے۔

نوٹ: تبصرہ نگاروں سے صرف اتنی امید  ہے کہ وہ براہ مہربانی دوسروں کی غلطیوں کو جواز بنا کر الطاف حسین کی غلطیوں کو چھپانے کی کوشش نہیں کریں گے بلکہ وہ ہمارے اٹھائے نقاط پر ہی اپنا نقطہ نظر پیش کریں گے۔

کیا یہ پروپیگنڈہ خبر ہے یا پھر واقعی امریکہ بھی حکمرانوں کی کرپشن سے تنگ آ کر تبدیلی کیلیے اقدامات کرنے جا رہا ہے؟

نوائے وقت کے مطابق ٹائم میگزین کا کہنا ہے کہ اس وقت فوجی انقلاب کیلیے بہترین موقع ہے۔