Comments on: مدرسوں کا ماحول – تصویر کا دوسرا رخ

By: ثاقب

ثاقب — Thu, 14 Feb 2008 20:20:24 +0000

السلام علیکم
اصل میں‌اگر دیکھا جائے تو ہمیں‌ یہ معلوم ہوتا ہے کہ مدارسہ والوں نے کبھی یہ دعویٰ نہیں کیا کہ ہم ڈاکٹر یا انجنئیر بنا رہے ہیں وہ تو دعویٰ اس بات کا کرتے ہیں کہ وہ اپنے ادارے میں علمائے دین بنا رہے ہیں اور ان سے اس بات کا مطالبہ بھی بے جا ہے
اگر حقیقت حال کا جائزہ لیا جائے تو ہمیں یہ بھی معلوم ہوتا ہے کہ نہ مولوی کو روٹی کا مسئلہ ہے نہ ہی وہ بیس پچیس لاکھ لگا کرڈاکٹر بننے کے بعد پانچ ہزار کی ہاؤس جاب تلاش کر رہا ہے اور نہ ہی ہم یہ اخبار میں پڑھتے ہیں‌ کہ آج فلاں مولوی نے نوکری نہ ملنے کی وجہ سے خود کشی کرلی ہے اس طرح‌ کے سارے مسائل ہم دنیوی تعلیم یافتہ افراد کے بارے میں ہی دیکھتے ہیں
اگر آپ کو اس بات کا موقع ملے تو یہ بھی دیکھ لیں کہ جتنا بجٹ یونیورسٹیوں پر خرچ ہوتا ہے اور جتنی ان کی فیسیں ہوتی ہیں‌ کیا وہ عالمی معیار کے مطابق گریجویٹ تیار کررہے ہیں تو جواب یقینا نہیں میں ہی ملتا ہے اس کے مقابلے میں اگر آپ مدارس کے علماء کو دیکھیں گے تو ان میں‌ ہی آپ کو بہت بڑے بڑے نام بھی ملیں‌ گے جن کے کام کو عالمی لیول پر سراہا جاتا ہے تصنیفات کے حوالے سے دیکھیں گے تو ہمیں وہاں‌ پر بھی علماء پیچھے نہیں نظر آئیں گےجدید پیش آنے والے فقہی مسائل ہوں‌ یا عربی علوم کو اپنی قومی زبان میں منتقل کرنے کا کام ہو یا بے شمار اور موضوعات
میں تو یہ سمجھتا ہوں‌ کہ اگر مدارس نہ کام کر رہے ہوں‌ تو پھر جو رہا سہا اسلام پہ عمل ہمارے ملک میں ہے وہ بھی نہیں رہے گا جہاں کے پارلیمنٹرین حضرات کو قرآن کے پاروں‌کی تعداد کا بھی پتہ نہ ہو۔

آخر میں قرآن کی اس آیت کی طرف آپ کی توجہ دلا کر علمائے دین کی قدر و قیمت بتلانا مقصود ہے۔
إِنَّمَا يَخْشَى اللَّهَ مِنْ عِبَادِهِ الْعُلَمَاءُ
بے شک اللہ کے بندوں‌ میں‌ سے صاحب علم ہی اس سے ڈرتے ہیں

اللہ ہمیں اتفاق اور اتحاد نصیب فرمائے اور دوسروں کی عیب چینی سے ہمیں بچائے

والسلام

By: اجمل

اجمل — Sun, 10 Feb 2008 07:51:17 +0000

دینی مدرسوں یا دوسرے تعلیمی اداروں پر حکومتی کنٹرول بہتری لانے کی ضمانت نہیں ہے ۔ ان سب کو درست کرنے کیلئے عوام کا رجحان خودغرضی کی بجائے بہتری کی طرف ہونا ضروری ہے ۔ بڑے شہروں میں دو قسم کے دینی مدرسے ہیں ۔ ایک میں تعلیمی معیار اچھا ہے اور دوسرے میں نہیں ۔ خُوبی یا قصور ان لوگوں کا ہے جو ان مدرسوں کو چلاتے ہیں یا چندہ دیتے ہیں ۔ کراچی میں جامعہ علوم الاسلامیہ العالمیہ ۔ بنوری ٹاؤن کے پڑھے طلباء نے دنیاوی تعلیم میں بھی نام پیدا کیا ہے ۔ وہ جوان جس نے اپنی عمدہ اور دلیرانہ تقریر سے ہمارے ملک کے مطلق العنان حکمران کو پریشان کیا اسی مدرسہ کا طالب علم ہے ۔ اس کا نام ہے عدنان کاکا خیل ۔

By: ميرا پاکستان

ميرا پاکستان — Sat, 09 Feb 2008 10:56:30 +0000

بڑے شہروں کی حد تک راشد صاحب کی بات ٹھیک لگتی ہے مگر چھوٹے شہروں اور قصبوں میں‌ان مدرسوں کی حالت اچھی نہیں‌۔
شاکر صاحب کی بات بھی درست ہے مگر پہلے یہ دیکھا جائے کہ حکومت کی نیت بھی درست ہے کہ نہیں۔ یعنی حکومت مدرسوں پر کنٹرول حاصل کرکے ان سے بہتر نتائج حاصل کرنا چاہتی ہے یا پھر اپنے انگریز آقاؤں کی ہدایات پر عمل کرتے ہوئے معاشرے کو اسلام سے مزید دور کرنے کی کوششیں تیز کردیتی ہے۔ ویسے فی الحال گورنمنٹ سکولوں‌ کی موجودہ حالت کو اگر دیکھا جائے تو حکومتی کنٹرول کی دلیل کمزور پڑ جاتی ہے۔

By: محمد شاکر عزیز

محمد شاکر عزیز — Sat, 09 Feb 2008 06:05:16 +0000

مدارس پر حکومت کا کنٹرول ہونا چاہیے۔

By: راشد کامران

راشد کامران — Fri, 08 Feb 2008 17:54:50 +0000

میں آپ کی اس بات سے متفق نہیں کے مدرسوں کے پاس فنڈز کی کمی ہے ۔ تمام نہیں مگر اکثر خاص طور پر کراچی کے شہری علاقوں میں قائم مدرسوں کا جائزہ لیں تو انکی صرف عمارتیں ہی اس وقت اربوں روپے کی قیمت رکھتی ہیں۔ اسکے علاوہ مخیر حضرات کی جانب سے سال میں کثیر تعداد میں فنڈز بھی آتے ہیں لیکن انکا استعمال غالبا تعلیم کے فروغ کے بجائے مسلک بازی اور دوسری غیر تعمیری سرگرمیوں پر ہوتا ہے۔ مدرسوں کے مہتمم حضرات کے ٹھاٹھ باٹھ دیکھنے سے تعلق رکھتے ہیں۔۔ بلکہ مجھے یاد ہے کے ہمارے محلے کی مسجد اور مدرسے میں کوئی 15 سال پہلے مہتمم صاحب لاکھوں روپے کا غبن کر کے بھاگے تھے اور یہ لاکھوں روپے محلے کو لوگوں کے ہی دیے ہوئے تھے۔ شاید مدرسے کی تعلیمی پسماندگی کی وجہ کچھ اور ہے جس کو فی الفور دور کرنے کی ضرورت ہے