ہمارا یہ یقین رہا ہے کہ آج کے وڈیرے جاگیردار صرف انگریزوں کی خدمات کے بدلے میں زمینوں کے مالک بنے۔ آج کالم نگار عباس اطہر نے اپنے کالم کنکریاں میں انکشاف کیا ہے کہ شاہ محمود قریشی کے لکڑدادا نے انگریزوں کیساتھ ملکر ان تین سو باغیوں کو ہلاک کیا جو خود کو تحریک آزادی کے مجاہدین کہتے تھے۔ ان کے خاندان نے اٹھارہ سو ستاون کی جنگ آزادی میں انگریزوں کا ساتھ دیا۔ جنگ آزادی کے ہیرو احمد خان کھرل کو شہید کرنے پر شاہ محمود قریشی کے خاندان کو وہ انعامات دیے گئے جن کی وجہ سے یہ آج جاگیردار ہیں۔ شاہ محمود قریشی صاحب کے پاس اگر ان الزامات کے جوابات ہیں تو وہ کسی ٹاک شو میں ضرور پیش کریں۔