اک ٹوٹی ہوئی کمان ہوں
میں نام کا مسلمان ہوں
مور ٹگیج میں لیتا ہوں
کار کی قسطیں دیتا ہوں
بنک کا سود کھاتا ہوں
پھر بھی سلامت ایمان ہوں
میں نام کا مسلمان ہوں
پانچ نمازیں پڑھوں تو کیوں
صدقہ خیرات کروں تو کیوں
دیں کے لیے مروں تو کیوں
رب کا لاڈلا انسان ہوں
میں نام کا مسلمان ہوں
سنی ، شیعہ ، وہابی ہوں
سندھی ، بلوچی ، پنجابی ہوں
حبشی ، عجمی ، عربی ہوں
فرقہ بندی میں غرقان ہوں
میں نام کا مسلمان ہوں
غداری میں نمبر ون میرا
بےایمانی کا رسیا من میرا
ہے غیبت کرنا فن میرا
ابلیس سے بڑا شیطان ہوں
میں نام کا مسلمان ہوں