میرا پاکستان

Random picture

الطاف حسین اور اسلام

October 13th, 2012

مصنف admin ذمرہ Uncategorized

ہمیں ان مولویوں پر بہت افسوس ہوتا ہے جو جاہل حکمرانوں کے بلاوے پر دم ہلاتے چلے جاتے ہیں اور پھر ان کا خطاب ہمہ تن گوش سنتے ہیں۔ ذرا سوچیے کہ جنرل مشرف، صدر زرداری اور الطاف حسین کے خطاب سے علما کونسا عمل سیکھیں گے۔ لادین اور بے عمل حکمرانوں کے آگے جھکنا علمائے دین کی جاہلیت کی نشاندہی ہوتا ہے۔ مشرف جیسا شرابی، زانی آدمی علما کانفرنس بلا کر خطاب کرتا ہے اور علما اسے سنتے ہیں تو پھر الطاف حسین بھی علما کو لعن طعن کر سکتے ہیں۔
الطاف حسین نے فتوے کے انداز میں کہا ہے کہ جو عالم ملالہ پر حملے کی مذمت نہیں کرے گا وہ اس کیخلاف ایکشن لیں گے۔ اسی وجہ سے اب ایم کیو ایم علما کے کوائف جمع کر رہی ہے۔اگر حکومت ایسا کرتی تو شاید کوئی جواز بنتا مگر الطاف حسین کی ایم کیو ایم کا یہ عمل اپنی سوچ سے باہر ہے۔ اس عمل سے وہ کیا کرنا چاہتے ہیں اور کتنی دین کی خدمت کریں گے یہ وہ یا ان کے کارکن ہی بتا سکتے ہیں۔

Related Posts

7 users commented in " الطاف حسین اور اسلام "

Follow-up comment rss or Leave a Trackback

زویا said,

in October 13th, 2012 at

پردے میں رہنے دو پردہ نہ اٹھاو

ڈاکٹر جواد احمد خان said,

in October 13th, 2012 at

بالکل درست کہا۔۔۔۔۔ لیکن اچھے اور معروف دینی اداروں سے وابستہ اچھی شہرت والے علمائے دین ہمیشہ الطاف حسین اور ایم کیو ایم سے ایک فاصلے پر رہتے ہیں۔ زیادہ تر آپکو اہل بدعت یا علمائے سو ہی اس تنظیم کے آس پاس منڈلاتے ملیں گے۔

fikrepakistan said,

in October 13th, 2012 at

جواد صاحب ابھی پچھلے دنوں جب رحمان ملک نے بیان دیا تھا کے تبلیغی جماعت کے طالبان سے روابت کے ثبوت ملے ہیں اسکے فوراَ بعد ہی مولانہ طارق جمیل صاحب نائن زیرو کیا کرنے گئے تھے؟

درویش خُراسانی said,

in October 14th, 2012 at

اس تاثر کو ختم کرانے ، اور انکو اس بات کا یقین دلانے کہ فسادیوں اور تبلیغیوں کے آپس میں روابط نہیں ہیں۔

اس میں کیا بُرا ہے۔

درویش خُراسانی said,

in October 14th, 2012 at

سُنا ہے کہ جب اکبر نے دین الہی کا اعلان کیا تو سب مولوی اس پر لعن طعن کرکے اس سے فاصل رکھنے لگے ۔لیکن ایک مجدد الف ثانی تھے جو کہ اس دربار سے رابطہ جوڑئے ہوئے تھے اور کسی طرح سے دربار میں آتے جاتے تھے۔
اور اس آنے جانے کی برکت سے اکبر کے بیٹوں میں یہ احساس پیدا ہوا کہ ہمارئے والد نے غلط کام کیا ہے کہ نیا دین ایجاد کیا۔

میری نظر میں تو یہ دلیل اچھی ہے کہ جناب وہ وہاں اسکا خطاب سُننے تھوڑا ہی جاتے ہیں ،بلکہ وہ تو صرف انکے ساتھ وہ روابط رکھنا چاہتے ہیں تاکہ کل کو اگر یہ جرنیل یا سیاسی لوگ کوئی ایسی ویسی حرکت کریں تو ہم بھی کچھ کہہ سکیں۔

ہاں ایک خطاب سنن کارکنوں کا ہوتا ہے کہ انکو باقاعد احکامات ملتے ہیں، لیکن یہ علماء کے سامنے انکی تقریریں شائد وہ کارکنوں کے احکامات جیسے نہیں ہوتے۔بلکہ علماء صرف ان سے وہ رابطہ رکھنے کیلئے جاتے ہیں۔

درویش خُراسانی said,

in October 14th, 2012 at

مولانا طارق جمیل صاحب نے ایک بار بڑی مشکل سے چند منٹ کا ٹائم لیا تھا مشرف سے ملاقات کیلئے۔

جب وہاں گئے تو پہلے تو سارئے جرنیل شرما رہے تھے کہ مولانا آگئے لیکن بعد میں انہوں کہا کہ ہماری فیملیوں میں بہت سے ایسے ہیں جن کی گاڑیوں مین آپکی کیسٹ لگی ہوئی ہوتی ہے۔

مولانا نے مشرف کو کہا کہ ہم ہر روز آپکے لئے دعائیں کرتے ہیں تو مشرف بڑا حیران ہوا کہ اچھا ایسے بھی مولوی ہیں جو میرئے لئے دعاء کرتے ہیں،اور اس بات نے انکو بڑا متاثر کیا۔

تو میرئے خیال میں ہر چیز کا بائیکاٹ کرنے سے کبھی کبھی معاملات بگڑ جاتے ہیں۔

fikrepakistan said,

in October 14th, 2012 at

مولانا فضل الرحمان بھی خیر سے اس ہی فکر سے تعلیق رکھتے ہیں جس فکر سے مولانا طارق جمیل صاحب تعلق رکھتے ہیں، اور مولانا فضل الرحمان کا معصوم لوگوں کو فسادی نما جہادی بنانے میں کتنا ہاتھہ ہے یہ بات ساری دنیا جاتنی ہے، اب کوئی یہ نہ کہے کہ مولانا فضل الرحمان سے دیوبندی حضرات کا کوئی تعلق نہیں ہے، بنوری ٹاون مسجد میں جب بھی مولانا فضل الرحمان آتے ہیں تو سارے دیوبندی علماء پلکیں بچھا کر انکا استقبال کرتے ہیں، کسی دانشور نے کہا تھا کے تبلیغی جماعت بیچ بوتی ہے اور یہ جہادی اس پر حل چلاتے ہیں۔ ویسے کتنی عجیب بات ہے کہ الزام رحمان ملک نے لگایا اور مولانا صفائیاں نائن زیرو پر دینے پہچ گئے۔ یہ سب سیاسی اور مذہبی جماعتوں کا گٹھہ جوڑ ہے جو آنے والے وقتوں میں انشاءاللہ ساری دنیا پر عیاں ہونے والا ہے۔

Leave A Reply

پاکستان زندہ باد

ایوارڈ

فعال ترین بلاگ۔ 2008ء

منتخب ویڈیو

زمرے

محفوظات

عمر رفتہ

مشہور تحاریر

ساتھی بلاگرز

کیلنڈر

©2012 میرا پاکستان
آپ اس ویب سائٹ کا حوالہ دے کر اس کی کوئی بھی تحریر کاپی کرکے چھاپ سکتے ہیں۔ Original from: http://www.mypakistan.com/ Copyright MyPakistan`s Stuff - All Rights Reserved