ویل آپ نے خود دعوت دی ہے۔

ملین ڈالر سوال ہو گا کہ کیا لوگ آپ کا بلاگ پڑھتے ہیں؟
نہیں
کیوں نہیں؟
کیونکہ اس میں‌ کچھ بھی ایسا نہیں جو لوگوں کو نہ پتہ ہو کوئی ایسی نئی بات نہیں جو ان کو اسیر کر لے۔ جیسے اردو میڈیا ہے ویسے ہی لکھنے والے ہیں۔ ہم بحیثیت قوم بہت بے حس بن چکے ہیں۔ اور بدقسمتی سے ہم میں‌ سے پڑھے لکھے لوگ بھی اس غلط فہمی کا شکار ہیں کہ حکمران اور ان کے بچے جو جو کرتے ہیں وہ کچھ کرنا ان کا فرض ہے۔ جب تک آپ پاکستان کو کسی ملک سے کمپئیر کر کے نہیں بتائیں گیں آپ پاکستان اور اس کے حالات پر کروڑ دفعہ بھی لکھ لیں ہمارے کانوں پر جوں نہیں‌ رینگے گی۔
آپ کا بلاگ اردو بلاگز میں سب سے زیادہ پوسٹس رکھتا ہے۔ اور میرا نہیں خیال یہ ریکارڈ کوئی توڑ سکے گا۔ لیکن پوسٹ در پوسٹ جو بھی پڑھے گا وہ مایوسی کا ہی شکار ہو گا کہ پاکستان کا تو کچھ بھی نہیں‌ صحیح اسی لئے جن صاحب کا آپ نے ذکر کیا کہ ان کے مطابق بوریت پیدا کر رہے ہیں۔
کچھ اپنے بارے میں‌ لکھیں گھر، ارد گرد، پاکستانی کمیونٹی وغیرہ وغیرہ۔ مجھے محسوس ہوا کہ آپ اہلخانہ کے ذکر سے اتنا کمفرٹیبل محسوس نہیں کرتے راہبر کو بھی نصیحت کی تھی لیکن جب آپ اہلخانہ کی چھوٹی چھوٹی باتیں یا گھر کے ارد گرد یا پاکستانی کمیونٹی کی باتیں لکھتے ہیں تو لوگ آپ سے مانوس ہوتے ہیں ارد گرد کی تصاویر یا جہاں آپ سیر پر گئے وہاں کی تصاویر دیکھ کر آپ کی ایک ان دیکھی تصویر بنانے میں قاری آسانی محسوس کرتا ہے۔ کیونکہ لوگ بلاگ نہیں‌ لکھنے والے کو پڑھتے ہیں۔ تو لکھنے میں ویریشن لائیں۔
میں الٹی باتیں بھی لکھتا ہوں سیدھی باتیں بھی لکھتا ہوں اور بہت فضول باتیں بھی لیکن ایک جیسی پوسٹس نہیں ہوتیں میں نے کوئی نہ کوئی بونگی مارنی ہوتی ہے۔ اس سے آپ کے قاری کو ہوتا ہے یار اس کے دماغ میں اگلا کیا خیال ہے؟ تو میں یہ تو نہیں کہتا آپ بھی میری طرح کی فضول پوسٹس کریں لیکن باوقار انداز میں میرا خیال ہے آپ پاکستان سے ہٹ کر کینیڈا کا بہت کچھ لکھ سکتے ہیں کیونکہ اگر ایسے ہی چلے تو لوگ کہیں گیں چھوڑو یار وہی باتیں لکھی ہونگی۔ اور اس کے لئے اتنا ضروری بھی نہیں‌ ہوتا کہ آپ بہت بڑی بڑی چیزیں ڈھونڈیں چھوٹی چھوٹی باتیں بھی باقی دنیا کے لئے بڑی ہوتی ہیں۔
میرا نہیں کیا پوسٹس طویل ہوتی ہیں۔ بلکہ طویل پوسٹس زیادہ بہتر مطلب سمجھاتی ہیں۔ اگر آپ سیریس انگلش بلاگر دیکھیں تو ان کی بھی پوسٹس بڑی ہوتی ہیں میں تو ان کو 2 دفعہ آدھا آدھا کر کے پڑھتا ہوں۔ اختصار سے لکھ کر بھی آ پنے کمنٹس میں باتیں سمجھانی ہیں تو پہلے ہی وقت لے لیں۔
اس میں شرمانے والی بھی بات نہیں کہ فلاں کے مشورے پر عمل ہو رہا ہے یا میں اگر یہاں کا لکھوں تو لوگ سمجھیں گے شوخا ہو رہا ہے کیوںکہ اول تو ہم یہاں رہنے کو کوئی کرامت نہیں سمجھتے اللہ کا کرم جب چاہے دے جب چاہے چھین لے۔ لیکن ہمارے پاس وہ قیمتی معلومات ہوتی ہے جو نہ صرف پاکستان میں بڑی دلچسپ لگتی ہے بلکہ یہاں‌رہنے والوں کو بھی سسٹم سے جلد سے جلد روشناس کراتی ہے اور ہم اس کو عادت ہو جانے کی وجہ سے بڑی معمولی باتیں سمجھتے ہیں۔
جب تک قاری آپ سے مانوس نہیں ہوتا وہ آپ کو صحیح معنوں میں ریسپیکٹ نہیں دیتا۔ لوگوں کی دلچسپی برقرار رکھنا ہی کمال ہے۔ اور دلچسپی صرف اور صرف نت نئے موضوعات سے ہے ورنہ تو لوگ بور ہو جاتے ہیں۔

آپ کا لکھنے کا ایک اپنا انداز ہے ـ
آپ قارئین کی اتنی برواہ ناں کریں لیکن بدتمیز کے مشورے کے مطابق لوگوں سے مانوسیت ضرور پیدا کریں ـ
کیونکہ تاریخ کیا ہے ؟؟
پرانے زمانے کی میسر تحاریر کا مجموعہ !ـ
ہے ناں ؟؟
تو جی آپ کی تحاریر شائد صدیوں بعد تاریخ کے حوالے بنیں ـ
پرانے پنجابی شاعروں کو پڑہیں تو ایک بات تقریباَ سب میں پائی جاتی ہے که اپنا تعارف اپنے نام گوت گاؤں تک کا لکھتے ہیں ـ
جس سے آج صدیوں بعد ان کو پڑھ کر جہاں ہم ان کی شاعری سے محفوظ ہوتے ہیں وہیں ہم اس بات کا اندازہ کرنے کا بھی موقع ملتا ہے کہ پرانے زمانے کے پنجاپ کا ماحول کیسا تھا ـ
تو جی بات کرنے کا مقصد ہے که آپ جو بھی لکھیں ذمہ داری سے لکھیں که ایک پیشہ ور کالم نگار کا لکھا ہوا آنے والے زمانوں کے تاریخ دان کے‌لیے کسی حد تک مشکوک ہو سکتا ہے که پیشہ ور نے‌ پيسے ناں کھا لیے‌ہوں ـ
مگر
آپ جیسے ایک غیر پیشہ ور کا لکھا ہوا زیادہ صائب ہو سکتا ہے ـ
زرا غور کریں کہ دوسو سال بعد کا ایک بندہ آج کے پاکستان کی انارکی کا اندازہ کرنا چاہتا ہے تو اردو کے بلاگروں کے بلاگ پڑھ کر اس کو عام بندے‌کے احساسات کا زیادہ اندازہ ہو سکتا ہے ناں کہ
مشرف صاحب کی کتاب ـ

جناب آپ جو کچھ لکھ رہے ہیں اچھا لکھ رہے ہیں آپ کا اپنا انداز ہے اس کو قائم رکھیں اللہ برکت دے گا۔
مشوروں کا کیا ہے ہر ایک کا اپنا زاویہ نگاہ ہوتا ہے اور پسند اپنی اپنی۔
بلاگ کو بس آپ کے اندر کی آواز ہونا چاہیے آپ اداس ہیں یا خوش اس کا عکس دکھائی دے تو اچھا ہے۔

آپ اچھا لکھتے ہیں افضل صاحب۔ عموما چونکہ پاکستانی حالات پر لکھتے ہیں اور مجبوری یہ ہے کہ یہاں کی صورتحال کافی مایوس کن سی ہے، اس لیے کسی کو بوریت بھی محسوس ہوسکتی ہے۔ تحریر میں ذرا سی شگفتگی سے کام بن جائے گا۔
پہلے میں بھی زیادہ تحاریر سنجیدہ لکھتا تھا لیکن پھر احساس ہوا کہ لوگ پہلے ہی اتنے سنجیدہ اور مسائل کا شکار ہیں تو ان کے لیے ایسی باتیں ٹھیک ہیں جو انہیں دلچسپ لگیں۔ پر ایسا تو نہیں کہ سارے ایک ہی انداز سے لکھیں۔ ہر ایک کا اپنا انداز اور اپنی سوچ ہے۔ اور ماشاء اللہ، آپ کے قارئین کی تعداد کافی زیادہ ہے۔