اگر ایسی صورت حال پیش آ جاے تو آپ کے تجویز کردہ چاروں حل ہمارے موجودہ اکثریتی ماحول کی عکّاسی کرتے ہیں اور میں ان چاروں سے متفق نہیں ہوں ۔ وجہ یہ ہے کہ میں مسلمان بننا چاہتا ہوں اور دو جماعتیں دین کی پڑھی ہوئی ہیں ۔
وقت سب سے بڑا اتالیق ہے اور سب سے بڑا معالج یا مرہم بھی ۔ دل کے معاملہ میں جذباتی ہونے سے معاملات بگڑتے ہیں سدھرتے نہیں ۔ ایسے معاملات کو وقت دینے کی ضرورت ہوتی ہے ۔ عشق کی آگ ذرا سے جھونکے سے بجھ جاتی ہے مگر آندھی سے بھڑک اٹھتی ہے ۔
باپ کا یہ کہنا تو ٹھیک ہے کہ ماں اور دادا نے تربیّت ٹھیک نہیں کی مگر اس نے چذبات میں بہہ کر اچھا نہیں کیا ۔ اس مسئلہ کا حل جذبات میں بہنے کی بجاۓ تحمّل اور غور و فکر سے نکالنا چاہیئے ۔ اگر لڑکا اپنے والدین کے برعکس ٹھیک ہو تو شادی کرنے میں کوئی حرج نہیں ۔ مگر ٹھیک ہونے یا نہ ہونے دونوں صورتوں میں لڑکی سے کہنا چاہیئے کہ ہم آپ کی خوشی میں خوش ہیں اور آپ کو ہمیشہ خوش دیکھنا چاہتے ہیں ۔ اگر شادی ابھی کر دی تو لڑکا پڑھ کر بڑا آدمی بننے سے رہ جاۓ گا ۔ شادی کے بعد اولاد ماں باپ پر بوجھ بن جاتی ہے ۔ آپ دونوں کی بہتری اسی میں ہے کہ لڑکا مالی لحاظ سے اپنے پاؤں پر کھڑا ہو جاۓ ۔ پھر ہم آپ کی شادی اسی سے کر دیں گے اور آپ دونوں ہنسی خوشی زندگی گزار سکو گے ۔ آنے والا وقت خود ہی لڑکی کو صحیح راہ پر ڈال دے گا ۔ والدین کو چاہیئے کہ اگر دینی فرائض صحیح طرح ادا نہیں کرتے تو صحیح طرح ادا کرنا شروع کر دیں اور اللہ سے اس مسئلہ میں مدد کی التجا کریں ۔ انشاء اللہ معاملہ سدھر جاۓ گا ۔

مشکل کام ہے اس پر مشورہ دینا۔۔۔۔
لڑکے کے کردار کے مطلق بھی جاننا ضروری ہے۔۔۔۔۔۔۔۔۔

میں بھی انکل اجمل کے مشورے دو سو فیصد متفق ہوں۔ پہلی بات تو یہ ہے کہ ماں باپ کو اس لڑکے کے ساتھ اپنی بیٹی کی شادی کو بھی ایک آپشن سمجھنا چاہئیے اور اس بات کا جائزہ لینا چاہئیے کہ وہ لڑکا کوئی نشہ تو نہیں کرتا یا یہ کہ وہ برے لڑکوں میں تو نہیں اٹھتا بیٹھتا وغیرہ۔ جیسا کہ اجمل انکل نے کہا، میرا مشورہ یہ ہے کہ اس لڑکے سے بھی بات کی جائے اور اس سے پوچھا جائے کہ کیا وہ ان کی بیٹی سے شادی کرنا چاہتا ہے اگر ہاں تو اس سے یہ بھی پوچھا جائے کہ مستقبل کے بارے میں اس کے کیا پلان ہیں۔ اگر لڑکی کے والدین اس کی خوشی کو مقدم رکھیں گے تو لڑکی کوئی الٹی سیدھی حرکت نہیں کرے گی اور گھر کی بات باہر نہیں نکلے گی۔

زہر دینے کا حق انہیں کس نے دیا ہے؟ اور دوسری بات یہ کہ اس میں تربیت کی خرابی کی کوئی بات نہیں۔ نوجوان لڑکے لڑکیوں میں محبتیں ان گھروں میں بھی ہوجاتی ہیں جہاں کی لڑکیاں برقعوں میں بازار جاتی ہیں اور کسی کوایجوکیشن انسٹیٹیوٹ کے پاس سے نہیں گزرتیں۔ نوجوانوں کو ایسا لگتا ہے کہ وہ محبت کرکے کوئی بغاوت کررہے ہیں اس سے انہیں اپنی قدر کا احساس ہوتا ہے۔ اگر والدین پیار سے ان کی خوشی میں راضی ہوجائیں تو معاشرے میں یہ روش ختم کی جاسکتی ہے۔

آخری بات شادی کرنا ایک جائز کام ہے۔ اگر لڑکی عاقل اور بالغ ہے اور وہ اپنی پسند سے ہی شادی کرنا چاہتی ہے تو تمام ماں باپ کا فرض بنتا ہے کہ وہ اسکی پسند کا اچھی طرح جائزہ لیں اور اپنی پوری کوشش کریں کہ لڑکی کی شادی اس کی پسند سے ہو۔ لڑکیاں کوئی گائے بھینس نہیں ہوتیں کہ اس کھونٹے سے کھول کر دوسرے کھونٹے سے باندھ دیا۔

ميں منافقت كا قائل نهيں هوں ـ
آپ كى تجويز نمبر تين (لڑکي کو زہر دے کر مار ديا جاۓ)پر عمل هونا چاهئيے ـ يا پهر مجبورا تجويزنمبر ايكـ(لڑکي کي شادي اسي لڑکے سے کردي جاۓ مگر اس کے بعد لڑکي اور اس کے سسرال والوں سے قطع تعلق کر ليا جاۓ۔)پر ـ
خاور كهوكهر

لڑکی کو زہر دے کر مارنا غیرت کے نام پر قتل کہلاتا ہے جو نہ صرف غیراسلامی ہے بلکہ غیر انسانی بھی ہے اور غیر قانونی بھی۔

اگر اس لڑکے میں کوئی عیب ہے تو لڑکی کو تھوڑا وقت اور مواقع دئیے جائیں کہ وہ ان عیبوں کو جانچ سکے۔ اگر پھر بھی وہ اسی لڑکے سے شادی کرنا چاہتی ہے تو اس لڑکی کا نکاح فورا اس لڑکے سے کروادینا چاہئیے۔

میرے خیال میں لڑکی بھارتی فلموں سے حد سے زیادہ متاثر ہے۔ بچوں کی تربیت یقینا ایک مسلا ہے۔ لیکن اگر ان کی محبت بے عیب ہے، لڑکا ٹھیک ہے تو کوئی حرج نہیں۔