سلام پاکستان جی

اس ٹاپک پہ میں بھی لکھنے والی تھی آپ نے پہلے لکھ دیا
قرض کس لیے لیا ھے تاکہ غیر ملکی دوروں پہ شاہی خرچ کر سکیں ؟؟ مشرف کے وقت صرف آٹا مہنگا ھوا تھا اور اب ؟؟ پہلے لوگ دو وقت روٹی کھاتے تھے اب ایک وقت کے کھانے سے بھی گئے بجلی آئے نا آئے بل وقت پہ آتا ھے اور زیادہ آتا ھے
کیا تھا پاکستان اور کیا ھو گیا سب مگر مچھ ھیں امید کسی ایک سے بھی نہیں چاھے کوئ نام کا شریف ھو یا کوئ 10 نمبری

ایسی آزاد عدلیہ اور بیروکریسی کے ہی تو وسیع و عریض بنگلوں ، خانصاموں ، آیا ، مالی ، چاچے ، مامے ، گاڑیوں ،ڈرائیوروں اور پٹرول کے خرچے کاسوال ہے بابا۔

جس طرح رکشہ ڈرائیور نے پیرِ لنڈن یا بھتہ خوروں کو مخاطب نہیں کیا بلکہ بڑے واضح طور پہ روٹی، کپڑا، مکان کا نعرہ لگانے والوں کو مخاطب کیا ہے جو پیپلزپارٹی اور زرداری ہیں۔

اب آپ اسے آزاد عدلیہ یا کسی اور سے زبردستی منسوب کریں تو یہ دیانتداری نہیں ہوگی۔ بلکہ بات کو گھما پھرا کر موضوع کو اپنی ڈیڑھ اینٹ کی میں نہ مانوں پہ لانا درست طریقہ نہیں۔ بہتر ہوتا اگر بغض معاویہ رضی اللہ عنہ کی بجائے حب علی (کرم اللہ وجہہ) سے بھی کام لے لیا ہوتا۔

کسی نے سچ کہا ہے تعصب کا ایک ہی رنگ ہوتا ہے۔ متعصب کی آنکھ کا رنگ۔ہر وقت دکھ پیٹنے سے دکھ کم نہیں ہوا کرتے۔

اگر یہ ساری کارستانی صرف بیورو کریسی یا آزاد عدلیہ کی وجہ سے ہے تو ایک حکمران کے فرائض میں آتا ہے کہ وہ اصولِ حکمرانی کے تحت قوم (جسے یہ لوگ عوام اور اب رعایا سمجھنے لگے ہیں) کا بھلا سوچے، بھلا کرے۔ ورنہ وہ دنیا جنہیں ہم صبح شام کافر قرار دینے پہ اپنی ساری توانائی خرچ کر دیتے ہیں ان میں آج بھی اکثراسطرح کو واقعے اکثر پیش آئے ہیں، کہ وہ اپنی پوری پوری کابینہ کے ساتھ محض اسلئیے مستعفٰی ہوجاتے ہیں کہ وہ اپنے عوام کی امنگوں پہ پورا نہیں اتر پائے۔ اکا دکا وزیر بھی اکثر مستعفٰی ہوجاتے ہیں۔ ہمارے ہاں تو یہ عالم ہے جسے جیب سے بندوق خرید کرگھر کی چوکیداری دی جاتی ہے وہی رات کی تاریکی گھر والوں کو اسی بندوق سے نکال باہر کرتا ہے اور خون چوسنے والی جونک کی طرح اگلی ایک دہائی قوم سے چمٹا رہتا ہے۔اور طبلے کی تھاپ پہ اپنی بھونڈی آواز میں خوشامدیوں کے جھرمٹ میں آپنے آپ کو راجہ اندر کمار سے کم نہیں سمجھتا۔ اور منافقت کی حد تو دیکھیں نعرہ ہوتا ہے سب سے پہلے پاکستان۔اور کہتے ہوئے گھن آتی ہے کہ پھر بھی کچھ لوگ محض اپنے ذاتی تعصب کی وجہ سے اسے ہیرو بنائے پھرتے ہیں اور ایسے ڈکٹیٹر کے تلوے چاٹنے کو اپنا شیوہ بنائے پھرتے ہیں۔

اگر کسی کو دہاندلی یا غلطی سے ووٹ کی صورت میں یہ قومی اقتدار کی امانت سونپ دی جائے تو وہ بھی پھر اقتدار سے یوں چمٹ جاتا ہے جیسے پاکستان اس کے باوا جی کی جاگیر ہو۔ کہ خدا نخواستہ پکستان رہے نہ ہے مگر مردار خوروں کا اقتدار سلامت رہے۔

جب اہداف ذاتی اور گھناؤنے ہوں پاکستان کے نام پہ قرضہ اور خیرات لے کر اپنے اللے تللے پورے کرنے ہوں تو وہ خیرات اور قرضہ بھلے کہیں سے بھی ملے یہاں تو طبلہ بجنا چاہئیے۔ اور بھونڈی آواز میں بھانڈوں کی طرح ریں ریں ہوتی رہنی چاھئیے ، یہ طبلہ امریکہ کے کسی فلیٹ یا کلب میں بھی بج سکتا ہے یا اسلام آباد کی اے سی کی یخ راتوں میں بھی ۔ جب اقتدار سے دم پکڑ کر کھینچے گئے نکالے گئے تو برطانیہ کے کسی مہنگے علاقے میں آرام سے رہیں گے اور پوری دنیا میں اپنی بنائی جائیداد اور بھرے بینک ہیں ۔ پھر بھلا روٹی کپڑا مکان اور عوام کس باغ کی مولی ہیں ۔ کونسا آئی ایم ایف نے کسی کو ذاتی طور پہ قرضہ دیا ہے انہوں نے پاکستان کو دیا ہے ۔ پاکستان جانے اور پاکستانی عوام ۔

گوندل صاحب سوال جو اور جواب چنا کرنا چھوڑ دیں،بات آپ سمجھتے نہیں اور شروع ہوجاتے ہیں ارے بھائی میں تو صرف اتنا کہ رہا ہوں کہ جسٹس صاحب سوموٹو ایکشن کیوں نہیں لیتے، ایک پٹرول پر لیا تھا وہ بھی زرداری نے آرڈینینس لگا کر ضائع کردیا اگر ایسی عدلیہ ازاد ہوئی ہے تو بھئی ہم تو بھر پائے اس آزاد عدلیہ سے اس سے بھلا کب عوام کو انصاف ملے گا اب بات آئی سمجھ میں یا ہجے کر کے بتاؤں 🙂

عبداللہ بھائی! بات صرف اتنی سی ہے کہ سیاستدان عوامی ووٹوں سے آتے ہیں، اور عوامی گالیوں سے جاتے ہیں۔ افسوس کا مقام ہے کہ ہمارے یہاں کوئی پارٹی لیڈر اپنے باپ کی موت پر سیاست کرتا ہے تو کوئی اپنی بیوی کے جنازہ پر۔ کوئی آمریت کے خلاف ہوکر لوگوں کو الو بناتا ہے تو کوئی قومیت کی بنیاد پر قوم کو بیوقوف بناتا ہے۔ حقیقت یہ ہے کہ یہاں سیاست نہیں ہوتی ‘سیاہ ست‘ ہوتی ہے۔

اس کے برعکس، عدالتی کاروائی قانون و آئین کے دائرے میں ہوتی ہے، جس کا ایک خاص ضابطہ اخلاق ہوتا ہے۔ عدلیہ کو ایک مخصوص دائرے کے اندر رہتے ہوئے فیصلے کرنے ہوتے ہیں۔ عدالتیں اس قانون پر عمل کرتی ہیں جو ہمارے اور آپ کے چنیدہ اراکین قومی اسمبلی میں بناتے ہیں۔

غرض یہ ہے کہ عدالتیں ہر ایک کام میں ٹانگ نہیں اڑاسکتیں۔ کیوں کہ وہ سیاست دانوں کی طرح مادر پدر آزاد نہیں۔ اور نہ ہی ان میں اخلاقی قدر کی کمی ہے۔

احمد بھائی!

پتہ نہیں کیوں،ایک بات میرے ذہن میں اکثر آتی ہے۔ کہ دنیا کی آبادی دو بڑے طبقوں میں تقسیم ہوتی جارہی ہے۔ ایک وہ ہیں جو حق پہ یقین رکھتے ہیں اور دوسرے باطل پہ۔

لگتا یوں ہے کہ شیطان وقتی طور پہ ہر طرف اپنے پنجے گاڑ رہا ہے۔ اور انسانیت سے لوگوں کا اعتبار اٹھتا جارہا ہے۔ مادیت نے لوگوں کی آنکھیں چکا چوند کر دی ہیں۔ مال و دولت اور جاہ و حشمت کے شیطانی جذبوں سے لوگ خیرہ ہوئے پھرتے ہیں۔

مگر جب تک اس دنیا میں چند لوگ ھی کیوں نہ ہوں جو شیطان پہ لعنت بیجھتے رہیں اور نیکی کریں اور نیکی کرنے کی تلقین کرتے رہیں گے تب تک شیطان اپنی چالوں میں کامیاب نہیں ہو سکے گا۔

اخلاق۔ حسنہ کردار ۔ انسانیت یہ سب چیزیں غیر مسلم لوگوں میں کسی حد تک ابھی ہیں ہیں مگر ہم پاکستانی مسلمان ان سے بہت دور ہوتے جارہے ہیں۔جبکہ ایک مسلمان پہ اللہ سبحان و تعالٰی کے احکامات لازم اور عبادت یعنی نماز روزہ زکواۃ حج وغیرہ فرض تو ہیں ہی اور انہین ادا کرنے پہ قدرت رکھنے والوں کو اس مفر کسی صورت نہیں۔ لیکن میری ذاتی رائے میں ان سب احکامات کے بجالانے کے باوجود انسان کے پیدا ہونے سے مرنے تک اسکی ہر بات، ہر کام، اسکا اٹھنا بیٹھنا مرنا جینا دو صورتوں میں تقسیم ہے ۔ ایک حلال دوسرا حرام۔ جس نے اپنے آپ کواپنی پوری زندگی حلال کی حدود میں رکھا وہی مسلمان کہلائے جانے کا اصل حقدار ہے ہیں اور جنہوں نے زندگی کا کوئی لمحہ بھی، ایک زرہ بھی حرام سے کشید کیا ہے۔ وہ مسلمان کہلائے جانے کے حقدار نہیں۔

عابد صاحب آپ اپنی عبادت بس اپنے تک ہی رکھیں آگے پھیلا کر ثواب دارین حاصل کرنے کی کوشش نہ کریں 🙁
اسد بھائی جو آپ نے کہا وہ ہم نے مانا پر پھر کوئی مجھ کم عقل کو یہ بتائے کہ کل تک جسٹس اور ان کے حواری جو یہ تقریریں کرتے پھررہے تھے کہ عدالتیں بحال ہوگئیں(یا ان کے مطابق آزاد ہوگئیں) تو ہر شخص کو انصاف ملے گا دوائیں ملیں گی روزگار ملے گا مہنگائی اور لوڈشیڈنگ سے نجات ملے گی،تو آخر کیسے ؟
جب عدالتوں نے سیاست دانوں کے بنائے ہوے قوانین کو ہی فالو کرنا ہے چاہے وہ جائز ہوں یا ناجائز تو اس ساری ایکسر سائز کا مقصد آخر کیا تھا جسٹس اور اس کے ساتھیوں کو ان کے عہدے واپس دلوانا نواز اور شہباز کے سارے کیس ختم کروانا اور بس واقعی نعمان نے سچ لکھا ہے کہ صرف ایک غریب خاندان کو جسٹس صاحب انصاف دلوا پائے ہیں اور بس۔۔۔۔۔۔۔،آگے راوی چین ہی چین لکھتا ہے !

ہیں تنگ بہت بندئے مزدور کے اوقات!

😀

گوندل صاحب۔
آپ سب کو برا بھلا کہتے ہو تو نوازے کے کرتوت کیوں بھول جاتے ہو، اسطرح آپ اپنے آپ کو غیر جانبدار ثابت نہیں کرسکتے ہو۔
جسکے مدینے کے 7سٹار ہوٹلو میں شئیرز ہوں، جو جدہ میں سٹیل مل لگائے مگر وطن پرست اتنا ہو کہ اکثریت فلیپینی ملازموں کی رکھے۔ جس کی بیوی نواسے کی ولادت پر 2 ملین ریال دے اور ذلزلہ ذدگان کے لیے (آپ کو تو معلوم ہی ہوگا)۔
بہت لمبی لسٹ ہے اسلیے جب برا کہنا ہوتا ہے تو تعصب کی عینک اتار کہ کہنا چاہئے، اس گلوبل دنیا میں لوگ اب ایک دوسرے کو بہت قریب سے دیکھ رہے ہیں۔
میں اس یا کسی بھی حکومت کی عیاشیوں کا کبھی حامی نہیں ہوسکتا ہوں، کیونکہ میں نے اپنی آنکھوں سے اس وطن کے بچوں کو کوڑے میں خوراک تلاش کرتے اور کھاتے دیکھا ہے اور دیکھتا ہوں۔ میرا بس نہیں چلتا ۔۔۔۔ ان حرام خوروں کی جگہ ان کو بٹھاؤں اور پھر پوچھوں کیسا لگا۔

عبداللہ بھائی! میں پھر عرض کرنا چاہوں گا کہ چیف جسٹس سمیت ہر جج اور عدالت کا ایک مخصوص دائرہ ہوتا ہے۔ لاہور کے چیف جسٹس کی وہ حیثیت کراچی میں نہیں ہوتی جو کہ لاہور میں ہوتی ہے۔ عدلیہ کا دراصل کام تو انصاف فراہم کرنا ہے جس سے ہر ایک شعبہ جڑا ہوا ہے۔ اور ہر شعبوں میں موجود گند کو صاف کرنا اکیلے چیف جسٹس کے بس کا کام بھی نہیں ہے۔ یہ بات ڈھکی چھپی نہیں کہ عدلیہ کے فیصلوں سے عوام کو سہولت ضرور حاصل ہوتی ہیں، پھر بھی مملک کے دیگر شعبوں کی ذمہ داری تو اصل میں حکمران سیاست دانوں ہی کی ہے نا کہ عدلیہ کی۔
یہ اسد کے تبصرے کا پیرا گراف ہے،اس پر بات کرتے ہیں تو اسد آپ مانتے ہیں کہ ہر شعبوں میں موجود گند کو صاف کرنا اکیلے چیف جسٹس کا کام نہیں تو پھر انہوں نے اتنے بلند و بانگ دعوے کیوں کیئے تھے اور اگر چیف جسٹس اپنے تمام تر دعووں کے باوجود بے بس ہیں تو مشرف سے اس بات کی امید کیوں لگائی گئی کہ وہ جادو کی چھڑی گھمائے گا اور نواز کا خالی کیا ہوا خزانہ بھر جائے گا 62 سال جو گند اس ملک میں گھولا گیا ہے وہ صاف کردے گا،آپ ہی کی تھیوری کے مطابق تو لوگوں کو امریکہ کے ہاتھ بیچنے کا الزام بھی مشرف پر غلط ہواکیونکہ اس کے نیچے کے لوگ کیا کیا کررہے ہیں ہر چھوٹی چھوٹی بات کا علم تو وہ نہیں رکھسکتا،اور 12 مئی کا زمہ دار صرف ایم کیو ایم کو کیوں کہا جاتا ہے جبکہ سب کے ہاتھوں میں موجود گنوں کے ثبوت موجود ہیں،خاص اسی جگہ پر یہ فائرنگ کیوں دکھائی گئی جہاں سب کو پتہ تھا کہ آج ٹی وی کے کیمرے لگے ہیں اور سازشیوں نے اس خیال سے اپنے کیمروں کا بھی انتظام کیا ہوا تھا کہ اگر آج والے نہ بنا سکیں تو ہم بنا کر دکھا سکیں اور ان لوگون کو بھی آج کی ٹیم نے اپنے کیمروں میں کیپچر کیامگر آپ لوگ ان حقائق سے جان بوجھ کر نظریں چرا لینا چاہتے ہیں کیونکہ آپ یہ سب حب علی میں نہیں صرف بغض معاویہ میں کررہے ہیں

محترم چوہدری حشمت صاحب!
قبلہ! آپ رقم طراز ہیں ۔۔۔۔ آپ سب کو برا بھلا کہتے ہو تو نوازے کے کرتوت کیوں بھول جاتے ہو، اسطرح آپ اپنے آپ کو غیر جانبدار ثابت نہیں کرسکتے ہو۔
جسکے مدینے کے 7سٹار ہوٹلو میں شئیرز ہوں، جو جدہ میں سٹیل مل لگائی۔۔۔۔۔۔۔۔۔۔۔۔۔۔ جب برا کہنا ہوتا ہے تو تعصب کی عینک اتار کہ کہنا چاہئے،۔۔۔۔۔۔۔۔۔۔۔
تو گزارش ہے آپ پتہ نہیں کیوں میرے بارے میں یہ فرض کیئے بیٹھیں ہیں ۔ کہ میں نواز شریف سے کوئی خاص عقیدت رکھتا ہوں ۔ سبحان اللہ ۔ آپ کو غالبا دوسری جگہوں میری رائے پڑھنے کا اتفاق نہیں ہوا ۔ ماضی میں جب کبھی نواز شریف کا کردار زیر بحث آیا تو میں نے الحمد اللہ اپنے ضمیر کی حد تک جو سمجھا وہ ضرور لکھا ہے۔ بی بی سی اردو ایڈیشن کے صحفات اس بات کے گواہ ہیں کہ وہاں میں نے قرض اتاریے اور ملک سنواریے نامی نواز شریف دور کے نعرے اور اس مد میں آئی رقم کے گم ہوجانے پہ لکھا ہے۔ ابھی کچھ دن پہلے محترمہ تانیہ رحمان نے اپنے بلاگ پہ شریف خاندان کے شیروں کا ذکر کیا ہے آپ وہاں پہ میری لکھی ہوئی رائے دیکھ لیں ۔ اگر آپ کو کہیں شریف برادران کی تعریف کی بجائے تنقید نہ ملے تو پھر آپ کا گلہ بجا ہے۔ اس کے علاوہ بھی بہت سی جگہوں کے حوالے دے سکتا ہوں جہاں میں نے ان کا موضوع چھڑنے پہ ان پہ تنقید کی ہے۔ تنقید سے کسی سیاسی رہنماء کا قد کاٹھ بڑھ تو سکتا ہے کم نہیں ہوتا کیونکہ اسے اپنی غلطیوں کا ادراک ہوتا رہتا ہے اور وہ اسے درست کرتا ہے۔ جبکہ یہ رواج ایم کیو ایم میں نہیں اور ان میں پارٹی پہ قابض لوگ تنقید کے جواب میں اپنے لوگوں سے تشدد میں بات کرتے ہیں۔

چو ہدری صاحب !
میں کسی کے بارے میں کچھ نہیں کہہ سکتا کہ دوسروں کے بارے میں لا علم ہوں ۔ مگر اپنے بارے میں ایک بات یقینی طور پہ کہہ سکتا ہوں کہ میرے نزدیک اس ساری مشق کا حاصل صرف یہ ہے کہ کل کو اللہ تعالٰی کے حضور یہ شرمندگی نہ ہو کہ مجھے اپنی سی معلومات کی حد تک حق اور سچ بات کہنے کا موقع ملا مگر میں نے یوں نہ کیا۔ اسمیں غلطی اور بھول چوک کا امکان بے شک رہتا ہے ۔

😆 😆 عبداللہ بھائی! 😆

اسد بھائی اصل مسئلہ ہی یہ ہے کہ لوگوں کے ضمیر ہی سوئے ہوے ہیں ورنہ کسی نے آج تک ان کیمرا مینوں کا تزکرہ نہین کیا جو آج ٹیوی سے تھوڑے فاصلے پر چھپ کر باقائدہ بڑے بڑے کیمرے اسٹینڈ پر فٹ کر کے اس واقعے کی مووی بنا رہے تھے وہ کسی میڈیا سے تعلق نہیں رکھتے تھے انہیں وہاں کھڑا ہی اسی لیئے کیا گیا تھا مینے خود اپنی آنکھوں سے دیکھا اور اس پر طلعت کا تبصرہ بھی سنا جو اس نے کیا تھا ان لوگوں کو کیمرے کی آنکھ سے دکھاتے ہووے کہ یہ کچھ لوگ ہیں جو اپنے طور پر اس واقعے کی مووی بنا رہے ہیں اور حلیئے سے میڈیا کے لوگ نہیں لگتے ہیں اور یہ بات میں اپنے اللہ کو حاضر ناضر جان کر کہرہا ہوں،
اس کے علاوہ مینے ایک سوال کیا تھا کہ پاکستان ضروری ہے یا آئین ؟مگر کسی کو اس سوال کا جواب دینے کی توفیق نہ ہوئی 🙁
اور یہ کہنا غلط بھی ہے کہ مشرف کے پاس لامحدود اختیارات تھے اور اس نے جو کچھ بھی کیا وہ اس کا ذاتی فیصلہ تھا پوری فورس ہر معاملے میں انوالو رہی ہے اور پاکستان کی بقاء کے لیئے جو ان حالات میں ضروری تھا وہ کیا گیا اب اگر کسی عقل کے اندھے اور تعصب میں دوبے شخص کو یہ بات سمجھ نہیں آتی تو اس کے لیئے صرف دوا ہی کی جاسکتی ہے!

جی بالکل عبداللہ بھائی! آپ کی بات درست ہوسکتی ہے۔ لیکن اس سے کسی جماعت کے ملوث ہونے یا نہ ہونے کا پتا کیسے چلتا ہے؟ صرف آپ ہی نے نہیں، لاکھوں لوگوں نے کراچی کی سڑکوں پر لاشیں بکھری دیکھیں۔ اور انہیں بھی دیکھا جو انسانی جانوں کے ساتھ حیوانوں سے بھی بدتر سلوک کیا۔

پاکستان ضروری ہے یا آئین؟ یہ سوال ایسا ہی ہے کہ بندہ ضروری ہے یا دماغ؟ جس طرح کسی بھی شخص کو روز و شب کے کام درست طریقے سے کرنے کے لیے دماغ درکار ہوتا ہے، اسی طرح ملک کی ترقی اور بقاء میں آئین و قانون کا انتہائی اہم کردار ہوتا ہے۔

مشرف صاحب یا ان کی جمعیت کے اکثر فیصلہ وقتی فائدہ حاصل کرنے کے لیے تھے، جن کا ثمر بہت سے معاملات میں سامنے آچکا ہے۔ اور بہت سے معاملات میں کچھ دنوں میں آجائے گا۔ زیادہ دور جانے کی ضرورت نہیں، حالیہ مثالوں ہی کو دیکھ لیں تو واضح ہوجائے گا کہ پالیسیاں کتنی قوت بخش تھیں۔ این آر او، میڈیا اور عدلیہ پر شب خون مارنا جیسے اعمال اگر کسی کے لیے ‘پاکستانی بقا‘ کی ضامن ہیں تو ایسے شخص کے لیے ‘دوا‘ نہیں ‘دعا‘ کی ضرورت ہے۔ ہدایت کی دعا۔

😆 😆 😆 عبداللہ بھائی! 😆 😆 😆
کاں چٹا اے۔ کوا سفید ہے۔