اوپر والی تصویر میں‌بھی دھکم پیل ہورہی ہے۔ ایک “عامی“ کو دبوچ کر پیچھے کھینچا جارہا ہے وزیر اعظم کے پیچھے غالبآ

خرم بھائی وہ ایک بچہ ہے جسے اس کا باپ گود مین اٹھانے کی کوشش کررہاہے 🙂

صرف ایک نقطہ کا ہی تو فرق ہے جناب! اوپر والوں کے لیے بابرکت رمضان باعث “رحمت” اور نیچے والوں کے لیے باعث “زحمت” بن چکا ہے۔

معاشرے تعلیم سے تبدیل ہوتے ہیں یہاں میں اس تعلیم کا ذکر نہیں کررہاہوں جسکانام ڈگریاں لے لیناہے۔
سونچو کہ اگر یہ نبی ص کا صدیق اکبر یا فاروق اعظم (رضی اللہ عنہ) کادور ہوتا اور چلو اگر یہ ہمارا ہمسایہ ملک چین ہوتا تو ان تصویروں کی کیانوعیت ہوتی۔
یقینآ بے حد مختلف، بات دراصل یہ ہے کہ ہم ایک ڈسپلن قوم ہیں ہی نہیں، یہ میں پاکستانیوں کو نہیں کہہ رہا ہوں بلکہ مجموعی طور پر پوری مسلم امہ کا یہی حال ہے۔
غربت و لاچاری آپ کو اس بات سے عاری نہیں کرتی کہ آپ ڈسپلن کا مظاہرہ نہ کریں۔
اس کے علاوہ یہ حکومت کی بھی نااہلی اور بہت بڑی مس مینجمنٹ ہے، اگر انہیں یہ کام کرنا ہی تھا تو کم از کم اس بات کا اندازہ کرنا چاہے تھا کہ جس جگہ یہ سٹال لگائے جائیں وہاں وافر مقدار میں ٹرک موجود ہوں اور لوگوں کو پرشانی کا سامنا نہ کرنا پڑے۔
اسکے علاوہ تبدیلی اسی وقت آسکتی جب لوگ خود یہ طے کریں کہ کیا میں ذکات اور خیرات لینے کا مستحق ہوں بھی کہ نہیں، ہمارا تو موٹو یہی ہوتاہے “ لوٹ لو“ چاہے آپ اس کے حقدار ہو بھی یا نہیں۔

مجھے افتخار اجمل صاحب! چوہدری حشمت صاحب! اور مکرمی غفران صاحب! ان تینوں حضرات سے کچھ باتوں سے قدرے اختلاف ہے

پاکستان دنیا میں چینی پیدا کرنے والے چند ایک بڑے ممالک میں سے ایک ملک ہے۔ پاکستان ایک زراعتی ملک ہے اور دنیا کی گرانقدر تقریبا سبھی اجناس پاکستان میں وافر ہوتی ہیں۔آخر کیا وجہ ہے۔ کہ کبھی آٹا غائب ہو جاتا ہے کبھی چینی ۔؟ اس مصنوعی یا اصلی قلت کے زمہ دران پاکستانی عوام تو ہر گز ھر گز نہیں ہیں۔ عوام سے جو قربانی مانگی جاتی ہے وہ ہر دور میں اپنا اور اپنے بچوں کا پیٹ کاٹ کر دیتے آئے ہیں دوسرے لفظوں میں عوام نے اپنی ہر وہ ذمہ داری جو ان پہ بنتی بھی نہیں تھی مگر انہوں نے ہمیشہ پوری کی۔ جبکہ چینی ، آٹا، چاول، بجلی، تعلیم۔ نظم و ضبط سکھانا یہ سب پاکستان کی حکومتوں کے فرائض میں آتا تھا اور آتا ہے۔ مشرف کے دور میں پاکستان کے ازلی دشمن بھارت سے محض درآمدی مافیا کو گھٹیا ٹماٹر اور دیگر اشیاء درآمد کرنے کی اجازت دینے کے لئیے انھیں کروڑوں سے نوازنے کے لئیے۔ پاکستان میں ٹماٹر کی مصنوعی قلت پیدا کی گئی۔ ٹماٹر کی قیمتیں آسمان سے باتیں کرنے لگیں۔عوام پریشان ہو اٹھے۔ پاکستان کے اس دور کے ننگ ملت حکمران مشرف نے عوام کا ٹھٹا اڑات ہوئے کہا کہ اگر ٹماٹر دستیاب نہیں تو لوگ کوئی دوسری سبزی خرید لیں۔ اب ایسے ناہل حکمران کو کون یہ نکتہ سمجھاتا کہ ٹماٹر سبزی نہیں بلکہ پاکستان کے غریب عوام کی سبزی چٹنی کا ایک بنیادی جز ہے۔ کیا ایک غریب ملک کے حکمران اس طرح ہوتے ہیں۔ جیسے ہمارے بادشاہ لوگ ہیں ؟

آپ سب صدق دل سے سوچیں کیا پاکستان کی حکومتیں اپنا فرض ، اپنی ذمہ داریاں بحسن طریقے سے پوری کرتے رہے ہیں۔کیا عیاش اور چور حکمران اپنے اللے تللوں کا بوجھ بھی عوام کو نہیں منتقل کرتے رہے۔ ایسے میں عوام کو دوش دینا مناسب بات نہیں۔ عوام اس برے طریقے سے چند روپے کمانے کے لئیے ایک زون سے دوسرے زون میں لمبی لائینز لگاتے ہیں ۔ اس کی وجہ بھی بے روزگاری ہے۔

ضرورت اس امر کی ہے ۔ کہ ایسی حکومت بنائی جائے جس کا مفاد پاکستان اور پاکستانی عوام کے مفادات سے ہو ۔ دیانتدار ہو۔ خوف خدا رکھتی ہو۔ خدا ترس ہو۔ اور پاکستان کے مسائل کا فہم و ادراک رکھتی ہو۔پاکستان کے مسائل کو پاکستانی بنیادوں پہ پاکستان کے ٹیکنو کریٹس کی مشاورت سے مقامی وسائل پہ انحصار کرتے ہوئے لوگوں کو روزگار، تعلیم اور شعور دلانے میں اپی ذمہ داریاں پوری کر سکے۔ ان میں اہلیت ہو۔ سب ضرورتیں پوری کرنے اور عوام کو سکھانے کے بعد ان سے یہ امید رکھ سکتے ہیں کہ وہ لائن بنائیں۔ اور نظم و ضبط کا مظاہرہ کریں۔

یاد رہے یہ وہ عوام ہیں وہ قوم ہے جس نے پاکستان بنا کر دنیا کو حیران کرد یا۔ یہ وہی قوم ہے جسے ساری دنیا ہجوم کہتی تھی مگر پاکستان کے خوفناک زلزلے میں انہوں نے ساری دنیا کو انگشت بداں کر دیا جبکہ پاکستان کے عیاش حکمران وسائل کی کمی ۔ ہیلی کاپٹروں کی قلت کا رونا رو رہے تھے۔ فوج کے حرکت کرنے اور زلزلہ زدگان کی مدد شروع کرنے میں تین لگے مگر عوام کا ایک سیل روان تھا جو ہر قسم کی مدد لیکر اگلے چند گھنٹوں میں مصیبت زدگان کی مدد کو پہنچا۔ ہمارے نااہل حکمران اس جذبے کو کوئی رستہ نہیں دے سکے۔ جس طرح پاکستانی عوام کی قربانی اور ایثارکی مثال دنیا میں کم ہی ملتی ہے۔ اسی طرح شاید ہمارے حکمران طبقہ بھی دنیا کا اول ترین چور اور کرپٹ طبقہ ہے۔ عوام کو الزام نہیں دینا چاہئیے حکمرانوں سے جواب طلبی کرنا چاہئیے۔