Saeed Sahab abhi Pakistan(Karachi) say ho kar aay hain or unhon nay wahan ki jo kahania sunai hain sun kar tabiat paraishan hay,Aap bhi suniay hamari choti bahan kay sasur America say aay ghar pohnchay to peechay police ki gari aakar ruki us main say do sada libas walay utray or un say kaha apna pasport wagaira dikhaaiy jab woh pasport nikalnay lagay to gun unkay sar par rakhdi or unsay Doller,gharian jo woh gift denay laay thay,mobile har cheez cheenli or farar ho gaay un ka kai lakh ka nuqsan howa, isi tarah ka waqia 2 maheenay pahlay Saeed kay dost kay sath paish aaya woh Canada say Pakistan aay to un say bhi tamam zaiwar naqdi wagaira cheenli gaai agay peechay is tarah kay kaai waqiat sunnay main aay hain galib khayl yahi hay kay airport coustom or police is main mili hoi hay woh coustom kay waqt note karkay kon kitni bari aasami hay itla kar detay hain or police walay rastay main ya ghar pohanch kar lot laitay hain,deeda dalairi ki intiha yeh hay kay sarkari garion main wardatain kartay phir rahay hain,kisay wakeel karain kis say munsafi chahian,dosra waqia bhi bahan kay ilaqay main paish aaya teen bhaai hain un ka sab say chota bhaai apni naai gari laykar bahar nikla rastay main usay shubah howa kay aik gari us ka musalsal peecha karrahi hay us nay gari ghar ki taraf mor li or bhaaion ko itla di kay kuch log meray peechay lagay hain,itifaq say dono baray bhaai ghar par thay or dono kay paas licence yafta bandoqain bhi theen unhon nay police ko inform kia or aik bhai gun laykar chat par dosra gun lay kar gali kay opposite corner par khara hogaya jaisay hi larkay nay gari lakar darwazay par roki peechay wali gari bhi ruk gaai or us say do admi guns lay kar utray police husbe adat ab tak na pohnchi thi,chunanchay chat walay bhai nay goli chalaai jo aik ki cunpati say paar ho gaai jo driving seat par tha, yeh dekh kar baqi dono badhawas ho gaay or firing kartay howay bhagay laikin gali kay siray par kharay bhai or chat walay bhai nay unhain golion par rakh lia,dono shadeed zakhmi howay or police kay pohanchnay say pahlay hi mar gaay baad main pata chala kay teeno balochi thay,yeh karobar Karachi main arsay say jari hay kay cars or bikes cheen kar balochistan pohnchai jati hain or is main baray baray log mulawis hain bamay policewalon kay,dosra waqia meray bhaai nay bataya kay Shahrahay Faisal jo Karachi ki main shahrah hay par 5,6 dako baqaaida naka bandi karkay garian lot rahay thay yeh bhi ab mamool banta ja raha hay or aisay moqon par police aap ko dor dor tak dikhai na daygi kion kay yeh sab pre planned hota hay,itifaq say kuch larkay shikar khail kar lotay thay or un kay paas guns theen unhon nay aagay yeh sorate haal dekhi to woh sarak say utar gaay or peechay say hotay howay dakoon kay sar par pohanch gaay or undhadhund firing ki nateejatan 3 to waheen mar gaay or 2 zakhmi hogaay pata chala kay woh saray sindhi thay or gothon say daka marnay Karachi aay thay,yeh aakhri waqia meray sab say chotay bhaai kay sath paish aaya usay us ki company nay 0 meter honda 125 di hay(yeh bike aaj kal sab say ziada cheeni jarahi hay) woh office jaraha tha kay usay shubah howa kay aik bike jis par 2 larkay sawar hain us ka peecha kar rahi hay us nay mirror main dekha to usay peechay betha larka T.T load karta dikhai dia us nay pori jaan laga kar bike bhgaai or samnay race lagati do mini bason kay beech main ghus gaya jaisay hi woh nikla mini basain is tarah agay peechay hoeen kay peecha karnay walay peechay hi rah gaay woh pahlay aanay walay petrol pump main pohanch gaya wahan mojod logon ko sari sorate haal say agah kia unhon nay usay or uski bike ko foran peechay store main chupa dia 2 ghantay baad woh aayatalkursi kawird karta howa wahan say nikla aglay din jab woh usi petrolpump par petrol bharwanay pohncha to unlogon nay batay kay aap bohat khosh qismat hain kay bach gaay kal isi ilaqay main aik larka mara gaya or aik zakhmi howa hay isi bike cheenay kay chakar main,Pichlay aik do saal say gulshan or gulistane Johar ka ilaqa dakon kay nishanay par hay or wahan rengers kay logon kay ghar bhi hain kuch kay apnay or kuch kay kiraay par laikin mazaidar baat yeh hay kay dako un kay gharon ka rukh kabhi naheen kartay,
Eid baad hum bhi Karachi jarahay hain Allah humain or Karachi or Pakistan main rahnay walay sab logon ko apni hifz o aman main rakhay,aameen