محترم افضل صاحب!
بات بہت پرانی ہے۔ تب معاشرے میں اتنا بگاڑ پیدا نہیں ہوا تھا۔ کچھ یار لوگوں نے محکمہ تعلیم کے اساتذہ اور خاص کر جونئیر یعنی پرائمری کے اساتذہ کی بھرتی کا معیار اعلٰی، مشاھیرہ گرانقدر ، سہولتیں وافر اور انکہ عزتِ نفس کا پاس جیسی تجویزیں دی تھیں۔ اور پولیس کے محکمے کو بھی انھی طرزوں پہ کھڑا کرنے کی تجاویز تھیں۔ کسی بھی تہذیب یافتہ معاشرے میں ۔ اساتذہ قوم کا انسانی اخلاق تعمیر کرتے ہیں۔ اور عموماً دیکھا گیا ہے کہ اچھے اساتذہ سے تعلیم حاصل کتنے والے طلباء اعلٰی اخلاق کے اور کردار کے مالک ہوتے ہیں۔ اور دوسرا محکمہ انصاف یا قانون کا ہے کہ جو اعلٰی اخلاقی تعلیم کے باوجود ہیرا پھیری سے باز نہ آئے اس کے لئیے قانون کا پورابوجھ ہونا چاھئیے تا کہ لوگ عبرت حاصل کریں۔

جب ایک پرائمری ٹیچر دس کلومیٹر دور کے موضع میں روزانہ سائیکل جیسی سواری پہ موسم کے سخت گرم جھیل کر بامشقت اسکول پہنچے سارادن بچوں سے سر کھپائے پھر اتنا سفر کرے کے واپس پہنچے۔ نوکری برقرار رکھنے کے لئیے علاقے کے تمام سیاسی اہلکاروں کی جی حضوری کرے۔ اپنے محکمے کے افسروں کے دورے پہ نان اشنان کا بندوبست بھی جیسے تیسے کرے۔ آتے جاتے ان پڑھ سیاسی کونسلر اُسے ُ ُ اُوئے اشکول ماشٹر،، جیسے خطاب سے بھی نوازیں اور مہینے کے آخر بھی گھر کی دال روٹی بھی پوری نہ ہو ۔ اور اس وجہ گھر والی روٹھ کر میکے جا بیٹھے۔ تو آپ ہی بتا دیں کونسی تعلیم اور کہاں کا اخلاق ایسے استاد سے تعمیر ہوگا۔

اور پولیس کے چھوٹے اہلکاروں کے ساتھ بھی اسی طرح کا طرفِ تماشہ ۔ انھیں واجبی سی تعلیم کے ساتھ انتہائی بے عزت مقام دیکر جس میں نہ انھیں اپنی عزت کا اور نا شہریوں کی عزت کا احساس رہتا ہے۔ معولی سی تنخواہوں کے ساتھ پولیس والوں کا قانون کا اندھا اور بے لگام اختیار بمع ڈنڈا تھما دیا جاتا ہے اور سرکار ان سے یہ امید بھی رکھتی ہے کہ بھوکا پیٹ پہ پتھر باندھ کر روٹیوں کے ڈھیر کی حفاظت کرے گا۔ یہ محض اپنے آپ کو دہوکا دینے والی بات ہے اور عجیب تماشہ ہے کہ ہم متواتر ساٹھ باسٹھ سالوں سے ہر جگہ ہر میدان میں اپنے آپ کو دہوکا دیتے آرہے ہیں۔اور اب فصل پک چکی مگر اس کے باوجود ہم آنکھیں کھولنے کو تیار نہیں۔

یہ جو ہر طرف طالبان طالبان ہو رہی ہے۔ یہ کسی شرعی نظام کی پکار نہیں بلکہ اس بوسیدہ اور ناکرہ نظام ، جس میں صرف اور صرف لٹیرہ صفت لوگوں کو ہر قسم کا تحفظ ہے اور جو ہر قسم کے ملکی وسائل پہ آنے بہانے سے قابض ہیں کبھی فوجی آمروں کے سائے میں کبھی نام نہاد جمہوریت کے پردوں میں مگر ایک بات ثابت ہے کہ پچھلے باسٹھ سالوں سے ایک ہی قسم کے لوگ مستفید ہوتے چلے آرھے ہیں۔ اور عام عوام فاقہ مستی کو پہنچ چکے ہیں۔ اور اس بوسیدہ نظام کے بدلے لوگ آنکھیں اٹھا اٹھا کر آسمان کی طرف دیکھتے آئے ہیں کہ یا اللہ کوئی مسیحا بیجھ ۔ اور ہر طرف سے مایوس ہو کر اب طالبان طالبان کا شور اٹھنے لگا ہے۔ تاریخ ثابت کرتی ہے کہ جب ناانصافی حد سے زیادہ بڑھی تو انقلابِ فرانس۔ اشتراکی نظام الغرض عام عوام نے ہر نئے ازم ہر نئی تحریک کو خوش آمدید کہا اور اسکے لئیے زمین ھموار کی۔ یہ فطری تقاضے ہیں۔ بارش کا پانی ہمیشہ پہاڑوں سے نشیب کو بہتا ہے۔ نشیب سے بلندی کو نہیں بہتا۔

wondering**

محترم اجمل صاحب!
آپکی بات درست ہے ابھی بھی ہمارے پاس اخلاق اور دیانتداری کا اصلی اور شاندار بیج، نیک لوگوں کی صورت میں موجود ہے۔ اگر ابھی بھی نیک نیتی سے کوشش کی جائے تو کوئی عجب نہیں اگلے بیس پچیس سال میں ہم بھی باوقار اور محترم قوموں میں شمار کیے جائیں۔

افضل صاحب اس طرح کا بلاگ میں نے لگایا تھا تو مجھے جواب ملا کہ آپ یورپ میں رہتی ہیں اس لیے آپ کو وہاں کی برائی نظر نہیں آتی ، کیونکہ یوں ان لوگوں کی چال ہے ۔ مجھے بہت افسوس کے ساتھ کہنا پڑتا ہے اگر یہ ان لوگوں کی چال ہی سہی ہم کیوں نہیں اچھی باتیں سیکھتے ۔ جھوٹ منافقت ۔ بے ایمانی چوری یہ وہ باتیں ہیں جو ہم مسلمانوں مین ہونی چاہے ، لیکن آج ہم ان باتوں سے کوسوں دور ہیں ۔خود اچھائی اپناتے بھی نہیں ہیں اور دوسرے پر کیچڑ بھی اچھاتے ہیں ۔میرے پاس کچھ عسیائی لوگ آئے اپنی کتاب لے کر جو کے ادرو میں لکھی ہوئی تھی ۔ میں نے کتاب سے پہلے ان سے سوال کیا کہ کیا آپ ہماری کتاب قرآن پڑھتے ہو یا کبھی پڑھنے کی کوشش کی ہے تو جواب ملا ۔ جی ہاں انگریزی میں ہم پڑھتے ہیں اور حضرت محمد کے بارے میں بتانے لگے ۔
جہاں تک ہمارے استادوں کا سوال ہے ۔ میں ان کی عزت کرتی ہوں لیکن جو ہمارے ٹیچرز ہیں انکا اپنے شاگردوں کے درمیاں اتنا فاصلہ ہوتا ہے کہ بچہ سوال کرنے سے پہلے سوچ رہا ہوتا ہے ۔ پتا نہیں جواب ملتا ہے کہ نہیں لیکن ڈنڈا ضرور پڑے گا ۔یہاں کے استاد اپنے پیشے سے اتنی محبت کرتے ہیں چاہے کوئی بھی ہو ۔ معزور بچہ سب کے ساتھ ہوگا چاہے وہ کچھ سیکھے یا نا لیکن وہ کلاس میں برابر سمجھا جائے گا ۔ ہماری استادوں کو پتہ نہیں کیا مسلہ ہے کہ لائق بچے پر تو توجہ دیتے ہیں لیکن جو کم زور ہو گا پڑھائی میں اس کی مدد کرنے کی بجائے آخر مین بیٹھا کر ہر وقت یہی کہا جائے گا کن زہن نالائق اور نا جانے کیا کچھ اس نے اگر کچھ کرنا بھی ہو گا تو اپنی بےعزتی کی وجہ سے نہیں کر پائے گا۔